Facebook Official Fanpage Official Twitter Account Google+ Official Page Rss Feed

Sinhala News

Entertainment

Sports News

Miscellaneous

TRENDING

පත්තරවල මංගල දැන්වීම් පළ කර කාන්තාවන් විවාහ කර ගන්නා බවට ව්‍යාජ පොරොන්දු ලබා දී ඔවුන් සතු කනකර සහ අනිකුත් ආභරණ, මුදල් ඇතුළු වටිනා දේවල් සොරාගත් පනස්‌ වියෑති පුද්ගලයෙකු පෑලියගොඩදී අත්අඩංගුවට ගැනීමට කැලණිය කොට්‌ඨාස අපරාධ අංශයේ ස්‌ථානාධිපති ප්‍රධාන පොලිස්‌ පරීක්‌ෂක ජී. කේ. එල්. රවීන්ද්‍ර මහතා ඇතුළු පොලිස්‌ කණ්‌ඩායමක්‌ සමත්වී තිබේ.

අත්අඩංගුවට පත් සැකකරුගෙන් ප්‍රශ්න කිරීමේදී මෙම තොරතුරු අනාවරණය වී තිබෙන බව පොලිසිය පවසයි.

පළමු විවාහයෙන් අසාර්ථක වී වෙන්වී තනිව සිටින 50 වියෑති මාහට විවාහය සඳහා නිහතමානී කාන්තාවකට ආරාධනා කරන අතර වැන්දඹු සහ එක්‌ දරු මවක්‌ වුවද සලකා බලනු ලබන බව පවසා ඉතාමත් සිත් ඇද ගන්නා සුලු වදන්වලින් එම මංගල දැන්වීම් පළ කරන බවත් මේ අයුරින් මංගල දැන්වීම් පළ කර ඒවාට ලැබෙන ප්‍රතිචාර ලිපි අනුව එම කාන්තාවන්ගේ නිවෙස්‌වලට ගොස්‌ කතා බහ කර අනතුරුව එම කාන්තාවන්ගේ කැමැත්ත පරිදි ඔවුන් හඳුනාගෙන ඇසුරු කිරීම ආරම්භ කර ඇති බව පොලිසිය කියයි.

ඉන් ඉක්‌බිතිව මෙම අනංගරජා එම කාන්තාවන්ගේ මනාපය පරිදි චිත්‍රපට නැරඹීම, වන්දනා ගමන් යැම, උත්සවවලට යැම සහ හෝටල්වලටද රැගෙන ගොස්‌ තිබෙන බව පොලිසිය කරන ලද මූලික පරීක්‌ෂණවලදී හෙළිවී ඇත.

මෙම සැකකරු මීට ඉහතදීද රුපියල් ලක්‌ෂ දහයක්‌ ලබා ගෙන බහු විවාහයක්‌ සිදු කිරීම පිළිබඳව පෑලියගොඩ විශේෂ විමර්ශන අංශය මඟින් නඩුවක්‌ද තිබෙන බවද එම නඩු විභාගයට වරෙන්තු නිකුත් කර ඇති බවත් තවද ගාලු දිස්‌ත්‍රික්‌කයේ බද්දේගම පොලිස්‌ බල ප්‍රදේශයට අයත් එක්‌ කාන්තාවක්‌ විවාහ කරගන්නා පොරොන්දුව මත ඇයගෙන්ද රුපියල් අසූපන්දහසක්‌ රවටා ලබාගෙන එයටද බද්දේගම මහෙස්‌ත්‍රාත් අධිකරණයෙන් පවා වරෙන්තු නිකුත් කර ඇති බව පරීක්‌ෂණ කටයුතු මෙහෙයවන පොලිස්‌ නිලධාරීන් හට තොරතුරු ලැබී ඇතැයි ඔවුන් පවසයි.

1985 සිට මේ අයුරින් විවාහක අවිවාහක කාන්තාවන් රවටා මුදල් වංචා සිදු කිරීම්වලට අදාළව දිවයිනේ ලියාපදිංචි අපරාධකරුවෙක්‌ හැටියටද මීට ඉහතදී වැරදි පහක්‌ ඇති පුද්ගලයෙක්‌ බව පොලිසිය කියයි. සැකකරු මහර මහෙස්‌ත්‍රාත් අධිකරණයට ඉදිරිපත් කර ඇත.

බස්‌නාහිර පළාත් උතුර ප්‍රදේශය භාර නියෝජ්‍ය පොලිස්‌පති කපිල ජයසේකර මහතාගේ උපදෙස්‌ පරිදි කැලණි පොලිස්‌ අධිකාරි උපාලි ජයසිංහ මහතාගේ අධීක්‌ෂණය යටතේ පෑලියගොඩ මූලස්‌ථාන ස්‌ථානාධිපති අජිත් ප්‍රසන්න මහතා කැලණිය කොට්‌ඨාස අපරාධ අංශයේ ස්‌ථානාධිපති ප්‍රධාන පොලිස්‌ පරීක්‌ෂක ජී. කේ. එල්. රවින්ද්‍ර මහතාගේ ප්‍රධානත්වයෙන් විශේෂ කාර්යාංශයේ පොලිස්‌ පරීක්‌ෂක සමන් ගුණරත්න මහතා සහ පො( සැ( (25140) ප්‍රේමසිsරි, (33507) ධර්මසිරි, පො( කො( (23310) අබේනායක, (23310) පො( කො( දේදුනු, (73099) හෙන්නායක විශේෂ කාර්යාංශයේ පො( කො( (14688) සෝමසිරි, (53252) බණ්‌ඩාර යන නිලධාරි වැටලීම සිදු කර ඇත.

මෝදර- ජෝශප් රන්මුතුගල




අපගේ නවතම පුවත් බලන්න..

© 2011-2016 Gossip9Lanka.co.uk

Join with Us

Latest Gallery

Video Gallery

A R C H I V E

Political News

Around the World

L A T E S T C O M M E N T S

S T A T S